Sapul!

FOOD FOR THOUGHT: "Let your plans be dark and impenetrable as night and when you move, fall like a thunderbolt." --The Art of War, Sun Tzu

Aw. Looks like everything's not in the right place.

Mahirap talagang makipagsapalaran dito sa Internet. Marami kang makakabasag-ulo nang hindi mo alam. Marami kang damdaming nawawasak nang hindi mo napapansin. Maraming magtatangkang saksakin ka sa mga chatrooms, social networking sites, at iba pa. Tulad nitong nalaman ko kani-kanina lang.

Mayroon palang ilang taong nais dungisan ang aking pangalan. Sa isang social networking site. Akala ko noon kaibigan (ka-ibigan rin siguro) ko sila ngunit sa isang iglap lang ay bina-backstab na pala ako. Integridad ko ang nakataya rito't kaya kailangan kong ipagtanggol ang aking sarili.

Wala akong ginawang masama sa Kanya, sa Kanila, o sa Kung Sino. Ni minsan sa buhay ko hindi ako nanira ng pangalan ng iba. Siguro kung minsan nakasasakit ako ng damdamin ng iba, ngunit ang totoo'y hindi ko sinasadya iyon. Hindi ko rin alam kung ano ang dahilan kung bakit niya--0 nila--ginagawa iyon. Paghihiganti siguro.

May isang katoto ang lumapit sa akin kahapon at itinanong kung sa buong buhay ko ba ay nanloko ako ng sinisinta. Hindi ang tugon ko. Saka niya sinegway na may kumausap raw sa kanyang "niloko ko".

Hindi ko maintindihan kung bakit niya nasabi iyon, sa kabila ng katotohanang mali ang aming ginagawa, na naging dahilan ng pagpiglas ko. Marahil ay hindi niya alam ang kanyang ginagawa, dahil kung ikaw ay isang nerdy student na nag-aaral sa Harvard at ang iyong magulang ay respetado sa kani-kanilang larangan, iisipin nilang hindi tama ang pakikipagrelasyon ng kanilang anak. Nangyari na rin iyon sa kasaysayan (ex.: si Sarah Palin at ang kanyang anak na si Bristol).

Sabi nga ng isa pang katoto, right love at the wrong time is wrong love. Hindi ko rin lubos maisip kung bakit patuloy Siya sa pang-aakit ng iba. That's dangerous!