Astig 'yung Recto encounter ko nitong last week lang. Talagang mapapa-haggardness to the max ka. Lalo na kapag 'currently unavailable' 'yung hinahanap mong libro. Badtrip.
Naghahanap kami ng Panitikan ng Pilipinas (Panganiban, et al) doon at medyo mahirap makakuha ng kopya--lalo na noong unang linggo ng pasukan. Sold-out pa.
Sa isang istante kami nakahanap ng isang kopya. For PHP 330. Aw. At mukha pang secondhand na 'yung libro. Kaya dahil medyo nagko-cost cutting, ayun, napilitan akong maghanap muna sa ibang istante--with matching quote sa tindera na "Babalikan na lang namin 'yan, ha?"
At naghanap pa rin ang bida sa mas maganda--at mas murang--Panitikan ng Pilipinas. After fifteen minutes ng masusing paggalugad sa C.M. Recto [well kabilang na doon ang "sightseeing"], wala nang nahanap ang ating superhero ng mas cute na kopya ng aklat. Kaya bumalik ako sa istanteng una kong pinuntahan.
Pero potek--said ang lahat ng kopya nila ng librong hinahanap ko. 'Yung tatlong natitirang kopya. Bad trip talaga. Napilitan tuloy akong maghanap sa ibang lugar since pati mga legal na bookstores doon naubusan na rin ng istak.
Buti na lang at si Lady Luck ay kasama ko. Sa isang bookstore sa Avenida ko nakita ang hinahanap ko. At hindi lang basta-basta hanap 'yun ah. As in mura na, bago pa. Nabili ko iyon sa halagang PHP 286.50. Ayos!
Doon ko nalamang huwag na huwag kang mawawalan ng pag-asa. Huwag na huwag. At kung talagang pursigido kang magkaroon ng isang bagay theheartbreakkid, sipagan mo. Cute.
JC
No comments:
Post a Comment