Okay, nabalitaan natin ilang araw lang ang nakakaraan ang ilang sunud-sunod na tragic moments sa daigdig. Andun 'yung Iranian elections (na hanggang ngayon ay may gulo pa rin), ang pagbabanta ng North Korea na maglulunsad ng nuclear test, pati na rin 'yung pag-amin ni South Carolina Gov. Mark Sanford na may binisita siyang kabit sa Argentina kamakailan. Siyempre hindi mawawala diyan 'yung pagpanaw nina Michael Jackson at Farrah Fawcett (ikakasal sana sila ni Ryan O' Neal bago siya mamatay, kaso hindi na natuloy). Well, idagdag ninyo na ito sa mga bad news. [Ewan ko kung good news ba ito o hindi.]
Ayon sa isang balitang nabasa ko sa The Philippine Star kahapon, lumiit raw ang bilang ng mga milyonaryo sa buong mundo kung titingnan ang mga datos noong nakaraang taon. 'Yan ay hango sa report ng Merill Lynch Wealth Management at ng Capgemini, isang consulting firm. Ayon doon, iyong mga mayayamang tao (vocabulary=mga may assets from $1 to $30 million lang naman) e nag-decline ng 14.9 percent. Or 8.6 million na tao. Ang laki nun.
* * *
Ramdam na naman natin 'yung epekto ng global financial crisis sa atin. We see a lot of layoffs. Ang daming nakapila ngayon sa mga recruitment agencies. Idagdag mo pa ang weekly na pagtaas ng presyo ng langis (kelan ba hindi nagtaas 'yang mga 'yan?). Pero hindi ba kayo nagtataka, marami pa rin 'yung mga taong wala nang ibang ginawa kundi lustayin ang kanilang pera?
May mga panay ang pagbili ng load (para saan? Para sa mga partner nila? Kahibangan!). Mayroon naman eh mga ang tindi kung mag-promote sa TV via ads. Halata naman ang intensyon nilang tumakbo sa eleksyon.
Naaawa lang kasi ako sa mga taong mahihirap--'yung mga taong nawalan na ng pag-asa dulot ng kahirapan. Kahapon may namataan akong batang nag-aabot ng sobre sa mga pasahero ng jeep at humihingi ng limos.
Naiipit pa sa peligro ang kanilang buhay. Nakakawa talaga.
JC
Nasa larawan: Si Mexican billionaire Carlos Slim Helu.
No comments:
Post a Comment