Lovesick

Valentine's Day pala ngayon. Hindi ko naalala.

Kaninang 5:00 a.m. (1900 GMT) nagsimula araw ko. Sumama ako sa mga colleagues ko para maka-attend ng "Walk for Love" na nagsimula sa Km. Zero (Luneta Park). Siyempre dahil ang blog na ito ay tungkol sa love, life, and everything in between, sumama ako. Grabe, ang daming tao. At ang daming nagdi-date sa Baywalk ah.

Okey na sana ang lahat--walkathon, jamming, barkada, sightseeing--halos lahat andun na. Problema nga lang, ito.

Nung nasa gitna kami ng timeout, may nakita ako. Ang red balloon. Na naman. Makilang ulit ko nang nakita 'yon, wala namang nangyari. Hanggang friendster lang.

Gusto n'yo pa ng mas hardcore? Eto. Habang nag-ii-stroll-istrolling sa Baywalk strip ('di yung binobomba ng Israelis a), may nakita na naman ako. This time hindi lobo. Tao. Ang mas masaklap, babae iyon. At kamukha pa nung pinag-aalayan nung pulang lobo ko.

Doon ako na-curious. Siya ba iyon? Ano'ng ginagawa niya rito? Hindi siya 'yon, naisip ko. Imposible.

Kakaasar. Andun na 'yung groove ko. Medyo sumablay lang ng konti dahil kay Miss Gamma-look alike. Hay.

car_pal