Weirdong Panahon, Nakamamatay na Sakit

CAVITE--Nitong weekend ko lang nabalitaan ang outbreak ng swine flu sa mga bansa sa North America, partikular na sa Mexico at Estados Unidos.

Sa Mexico pa lamang, mayroon nang 103 buhay ang kinitil ng nasabing sakit, na kung saan ayon sa kanilang health ministry ay umabot na sa mahigit isanlibo ang kaso nito. Nabakante ang mga upuan sa dating blockbuster na soccer games sa Aztec Stadium. Pati sa mga Catholic masses ay wala ring mga nanood, taliwas sa mga karaniwang nangyayari. Sumadsad rin laban sa mga Asian currencies ang Mexican peso ayon sa mga ulat.

Sa Pilipinas naman, iginiit ng Health Department na wala pang naitatalang kaso ng swine flu sa bansa. Iniutos rin ang pagpapakalat ng mga checkpoints upang mai-monitor ang pagpasok ng mga karneng galing ng ibang bansa.

Ayon sa MedicineNet.com site, ang mga symptoms ng swine flu ay ang mga sumusunod:

• mga influenza-like illnesses (ubo, lagnat, o sore throat)
• mild respiratory diseases (nasal congestion, rhinorrhea) ngunit walang lagnat
• pagsusuka
• diarrhea
• sakit ng ulo
• fatigue
• dsypnea

Minsan naitatala rin ang conjunctivitis bilang isa sa mga sintomas nito.

Kung kumpirmado ngang mayroong swine flu ang isang tao:

• i-isolate sa isang kuwarto ang maysakit
• ugaliing magsuot ng mask upang maiwasan ang pagkalat ng impeksyon
• ugaliin ang paghuhugas ng kamay
• hugasan ng maayos ang mga ginamit na kubyertos ng pasyente.

* * *

Nitong nagdaang linggo rin (magmula noong Earth Day noong Abril 22), dumadalas ang pag-ulan ng malakas sa Kamaynilaan at karatig-probinsya. Ayon sa ating weather bureau ay dahil ito sa buntot ng cold front at ang intertropical convergence zone na nararanasan sa Visayas at Mindanao. Kagabi lamang ay may namataang low pressure area sa may bandang Kanlurang Luzon.

Naaalala ko ang ilan sa mga terminong isinulat ko sa itaas ngunit hindi ko maalala kung ano'ng ibig sabihin ng mga iyon. (Sorry po sa teacher ko noong elementary. 'di ko na talaga matandaan.)

Ang napakalakas na ulan na iyon buhat noong Earth Day (na definitely ay summertime pa) ay nagpapakita lamang ng kung gaano na kasira ang ating tinitirhang planeta. Hindi pa gaanong huli ang lahat, ngunit mukhang nagbabadya na ang pagganti ng Kalikasan.

Bye for now,

CarPal

914

MANILA--Hay. Hindi pala nagwo-work sa Friendster 'yung mga widgets ng Widgetbox. Sayang, may ginawa pa naman akong widget doon ng Charlespost. Kung gusto ninyong i-post sa website ninyo ang Charlespost widget (maganda 'yon, pero it won't work sa Friendster), get it here.

Anyway, kanina ay galing ako sa isang labanan. At in full battlegear ako. Astig nga eh, ang dami naming mga Crusaders na may iisang hangarin: ang makapasok ng kolehiyo. Ang dami talaga namin, siguro isang klase ng IV-Locke times mga sixty nun. Ganun kami karami.

Matarik na laban itong aking tatahakin, ngunit dito nakasalalay ang aking kinabukasan. Tulad nga ng sabi sa isang sinaunang jingle, kung may lapis, kaya kong isulat ang pangarap. Kung may crayola, kaya kong iguhit ang bukas. At kung may inspirasyon, kaya kong maging masaya. =)

Bye for now,

CarPal

Retold

MANILA--Naririto muli ako sa Maynila upang ayusin ang aking application sa pagpasok sa kolehiyo. Medyo 'katamad nga lang. Kasi minsan mababagot ka talaga.

Kaya ang solusyon: basketball, internet, at poetry.

Dito kasi sa rooftop ng bahay namin eh mayroong makeshift basketball court kung saan ang bolang gamit namin eh 'yung bigay ng isang energy drink. 'Yung ring naman siguro eh nasa seven feet. Stress ball ko sa buhay ngayon 'yon. Kapag mainit o kaya naman eh walang magawa, malamang makita mo ako roon, nagsu-shoot-shoot lang doon.

In the past few days tambay na rin ako ng mga internet shops. Ayun, kung hindi naglalaro ng kung ano, inaayos naman ang Friendster account. O kaya eh nagpapasa ng emails sa mga kaibigan. O kaya naman eh nagda-download ng MP3s.

Hindi na ako masyadong nakakapagsulat ng mga tula o sanaysay nitong mga nakaraang araw. Medyo wala ako sa groove ngayon. At wala ring maisip na puwedeng pagdisketahan.

Okay, nitong isang araw naisip ko lang na gumawa ng kakaibang trip: magsulat ng maiksing nobela. (Patay ka sa Filipino teacher mo, CarPal, ang nobela ay isang mahabang kuwento, hindi maiksi.)

I'm currently working on that novel, about girls and a guy na naging ex nila. Title? Hindi ko pa sasabihin 'yon rito pero may idea na ako. Siguro after June tapos na 'yun--kung hindi ako mabuburyong sa ginagawa ko.

Bye for now,

CarPal

Ang Aking Inaalikabukang Porsche, BMW, Chedeng at iba pa

DREAM CARS. Clockwise from top right: Ford F-150, Mini Cooper S, Ford Focus 5-dr Hatchback, Porsche Carrera 997 4S, BMW X5, Volkswagen New Beetle.


I love cars. Sobra. Noong nasa elementary pa ako (todo pa-sosyal pa noon) eh avid fan ako ng mga car magazines. I see a lot of pics of new models, pati na rin 'yung mga lumang sasakyang tinu-tune up para magmukhang bago.

Ngayon nagha-hunt na lang ako ng mga back issues ng mga NASCAR magazines. Medyo fan na rin ako ng sport, lalo na ngayon.

I also love collecting diecasts. Lagi kasi akong nagkakaroon nun nung bata pa ako--noong elementary. Bribe kasi sa akin 'yon everytime na nasa top 10 ako. Class, di ba? Cute.

Dati ang dami-dami ko talagang diecasts. Higit pa 'yon noon sa bilang ng lahat ng sasakyan sa village namin sa Cavite (ang yabang). Dahil sobrang bata pa ako noon at hindi pa marunong mag-value ng mga bagay-bagay, ayun, 'yung iba nasira. 'Yung iba, ipinamigay sa charity. At 'yung iba, 'di ko na nakita. Ewan ko ba.

Hilig ko rin 'yung mga sets nung mga miniature malls, toll gates, parking lots, etc. para sa mga sasakyan ko. Natatandaan ko noon na meron akong Hot Wheels McDonald's take-out counter set na parang maliit na version ng McDonald's. Anong nangyari? Binaboy ng kapatid ko. Nawalan ng value tuloy once na ibenta ko 'yun in the future. Meron rin akong superlaking parking area na may tatlong palapag, car wash at car elevator. Lahat nang iyon hindi ko na alam kung asan.

Ngayon, ang tanging mga naka-survive ay 'yung mga diecasts ko. Para lumaki ang pamilya nila, bumili ako ng ilan pa, 'yung mga sources ng pinambili ko noon e mga Pamasko, Pam-Bagong Taon at Pam-birthday sa akin. Wala pa naman akong ibang pinagkakagastahan noon nung bata pa ako (linsyak na load yan e). Nitong huli nga e naging pihikan na ako sa mga bibilhing 1/64 model cars. Talagang puro pang-luxury cars 'yung mga binili ko.

Tulad ng Porsche Carrera 4S, Chrysler GT Cruiser (ito yata 'yung kotse ni Pacman sa Las Vegas eh), Mini Cooper, Ford Focus WRC (Driven by racing great Colin McRae), BMW X5, Ford F-150, Volkswagen New Beetle, Mercedes-Benz CLK Coupe, at marami pang iba. Andun nga, sa istante namin, inaalikabukan na.

Kung totoong mga kotse lang sana 'yung mga 'yon. Hay.

Bye for now,

car_pal

Bulilyaso (99+)

CAVITE--Last day namin sa school kahapon. Although noong Tuesday pa 'yung graduation ceremonies namin, kailangan pa rin naming pumasok sa mga natitirang araw. May ilang pumasok pa, may ilang tinatamad na. 'Yung iba, pa-picture picture 'yung inaatupag, 'yung iba tinatapos 'yung tinatawag nilang clearance--isang kalatas na kapag hindi mo nabasa ang nilalaman at napapirmahan sa mga nakatataas, hindi ka makakapagatapos ng tuluyan sa minamahal mong paaralan. At isa ako doon sa mga gumawa ng pinakahuling option. Mahirap nang mabulilyaso ang pagtatapos, at baka hindi ako makapagkolehiyo ng tuluyan.

Bigayan ng envelopes noon. Isa-isa kaming binigyan ng "graduation package" kung saan naglalaman ng mga mahahalagang bagay tulad ng Form 138, ang aming diploma, Certificate of Good Moral Character, at ang resulta ng aming National Career Assessment Examinations. (In a closed door meeting ng father ko at ng aming adviser, sinabing isa ako sa may pinakamataas na Total Verbal Ability Average--with 99. At, ang mas masaya pa, naka-99+ ako sa Reading Comprehension. Cute.) Muntik nang mabulilyaso ang pag-alis ko patungo rito nang i-announce noong umaga na sa April 4 pa ibibigay ang graduation package sa amin. Hay, buti na lang at hindi natuloy ang plano.

Isa lang ang nasa isip ko nang makita ko 'yung NCAE form ko. Para siyang bill ng Meralco.

car_pal

Of Olympic Bids

Nakita ko 'yung isang YouTube video tungkol sa bid ng Pilipinas sa 2024 Olympic Games. Pati rin pala ang 2018 Asian Games eh gustong i-host ng bansa.

Marami ring forums at comments ang lumabas ukol sa move na ito. Marami ang nagsasabing hindi pa kaya ng isang maliit na bansa tulad ng Pilipinas na mag-host ng isang napakalaking international sports competition tulad ng Olympiad.

May mga balita ring lumalabas na mayroong itatayong bagong sports complex bago mag-2024 sa Pasay. Ibig sabihin ay talagang pinaghahandaan ng pamahalaan ang pagho-host dito.

Napatunayan na naman nating kaya nating mag-organisa ng mga malalaking international events, di ba? Tulad na lamang nitong 2005, kung saan tayo ang host country ng 23rd SEA Games. Isa iyon sa mga pinakamalaki sa kasaysayan ng SEA Games. Nai-promote rin nito ang turismo dahil sa iba't-ibang lugar sa bansa ang pinagdausan nito.

Malaking ambisyon para sa atin ang makapag-host ng events tulad ng Olympics. Suntok sa buwan, sabi nga nila. Pero nasa bidding pa lamang tayo, hindi ba? At kung matalo man, eh di ayos lang. Ang importante eh sinubukan natin.

car_pal